എഗ്ഗ് ലോഫ്

എഗ്ഗ് ലോഫ്

വളരെ ഹെൽത്തി യും നല്ലൊരു പ്രഭാത ഭക്ഷണമായും എഗ്ഗ് ലോഫിനെ നമുക്ക് ഉൾപ്പെടുത്താവുന്നതാണ്.

ആവശ്യമുള്ള സാധനങ്ങൾ

മുട്ട :4
ഉരുളക്കിഴങ്ങ് colonthree emoticon ഇടത്തരം
സവാള :1
സെലറി colonthree emoticon tbl spoon
ക്യാരറ്റ് :കാൽ കപ്പ്‌
ചീസ് :മുക്കാൽ കപ്പ്‌
കുരുമുളക് :ഒന്നര tspoon
ക്യാബേജ് colonthree emoticon table spoon
ക്യാപ്സിക്കം :കാൽ കപ്പ്
ടൊമാറ്റോ സോസ് :2tbl സ്പൂൺ
പച്ചമുളക് :1
ഒലിവ് ഓയിൽ :3Tbl spn
മഞ്ഞൾപൊടി :ഒരു നുള്ള്
ബട്ടർ :കാൽ tspoon

പച്ചകറികൾ, സവാള എല്ലാം ചെറുതായി അരിഞ്ഞു വെക്കുക. ഉരുളക്കിഴങ്ങ് ഉപ്പും മഞ്ഞൾപ്പൊടിയും ചേർത്ത് പുഴുങ്ങി പൊടിച്ചു വെയ്ക്കുക. സ്പൂൺ കൊണ്ട് അല്പ്പം ഉപ്പുകൂടി ചേർത്ത് മുട്ട നന്നായി ബീറ്റ് ചെയ്യുക. പാൻ പാത്രം ചൂടാക്കി അതിൽ ഒലിവ് ഓയിൽ ഒഴിക്കുക (സൺ ഫ്ലവർ ഓയിൽ ആയാലും മതി ) അരിഞ്ഞു വെച്ച പച്ചകറികളും സവാളയും ആവശ്യത്തിനു ഉപ്പും ചേർത്ത് വഴറ്റുക.(മുട്ടയിലും ഉരുളക്കിഴങ്ങ് പുഴുങ്ങാനും ഉപ്പ് അല്പ്പം ചേർക്കുന്നത് കൊണ്ട് അതനുസരിച്ച് ഉപ്പ് ചേർക്കുക)
ഈ കൂട്ട് പകുതി വെന്താൽ മതി. കുരുമുളകും ചേർത്ത് ഒരു മിനിട്ട് കൂടി വഴറ്റി തീ ഓഫ്‌ ചെയ്യുക. ഈ കൂട്ട് ബീറ്റ് ചെയ്ത മുട്ട യിൽ ചേർക്കുക. പുഴുങ്ങി പൊടിച്ച ഉരുളക്കിഴങ്ങും പകുതി ചീസും ടൊമാറ്റോ സോസും ചേർത്ത് ഇളക്കുക. ബട്ടർ തൂകിയ ബേക്കിംഗ് പാത്രത്തിലേക്ക് കൂട്ട് ഒഴിക്കുക. മുകളിൽ ബാക്കി ചീസ് കൂടി വിതറുക. 190 degree preheat ചെയ്ത അവനിൽ 35Min bake ചെയ്യുക.ബ്രഡ് ഷേപ്പ് ഉള്ള സിലികോൺ പാത്രത്തിലാണ് ഞാൻ ഉണ്ടാക്കിയത്. ബ്രഡ് ഷേപ്പിൽ മുറിച്ചെടുക്കാം. 

NB:ഇത് വെജിറ്റബിൽ എഗ്ഗ് ലോഫ് ആണ്.പകരം ചിക്കൻ ചേർത്തും ഉണ്ടാക്കാവുന്നതാണ്.

അവിൽ മിൽക്ക്‌ (Malabar special)

അവിൽ മിൽക്ക്‌ (Malabar special)

വറുത്ത അവിൽ -2 കപ്പ്‌
പൂവൻ പഴം -3 -4 എണ്ണം
തണുത്ത പാൽ -അര ലിറ്റർ
പഞ്ചസാര പൊടിച്ചത് - ആവശ്യത്തിന്
വറുത്ത നിലക്കടല
നെയ്യ് -2 ടീസ്പൂണ്‍
ഉണ്ടാക്കുന്ന വിധം

ഒരു പാനിൽ 2 ടീസ്പൂണ്‍ നെയ്യൊഴിച്ച് ചൂടാകുമ്പോൾ അവിൽ മൊരിയുന്നത്‌ വരെ വറുത്തു മാറ്റി വെക്കുക.
കപ്പലണ്ടി വറുത്തു തൊലി കളഞ്ഞു വെക്കുക.
പാൽ നന്നായി തണുപ്പിക്കുക.
ഗ്ലാസിൽ സെറ്റ് ചെയ്യുന്ന വിധം

നീളമുള്ള ഗ്ലാസ്സെടുത്ത്‌ ആദ്യം പഴം കഷ് നങ്ങളാക്കിയത് ചേർത്ത് ആവശ്യത്തിനു പഞ്ചസാര പൊടിച്ചതും ചേർത്ത് ഒരു ടീസ്പൂണ്‍ കൊണ്ട് നന്നായി ഉടയ്ക്കുക.

ശേഷം തണുത്ത പാൽ ഗ്ലാസ്സിലേക്ക്‌ പകുതി ഒഴിക്കുക. ഇതിലേക്ക് അവിൽ കുറേശ്ശെ ചേർക്കാം .പാലും ,അവിലും കൂടി പതുക്കെ യോജിപ്പിക്കുക.
വീണ്ടും അവിൽ ചേർക്കാം ,പാലും ഒഴിക്കാം .മുകളിൽ കുറച്ചു അവിൽ , കടല, അലങ്കരിച്ചു കുടിക്കാവുന്നതാണ് .

(ഇത് 3 പേർക്കുള്ള അളവാണ് , ഇഷ്ട്ടമുള്ള നട്സ് ഉപയോഗിക്കാവുന്നതാണ് .
ഉണ്ടാക്കി വെച്ച ഉടൻ തന്നെ കുടിക്കേണം ,ഇല്ലെങ്കിൽ അവിലിന്റെ മൊരിവു നഷ്ട്ടപെടും .

പാലിൽ ഒരു നുള്ള് ഏലക്കപ്പോടിയും ,പൊടിച്ച പഞ്ചസാരയും ചേർത്ത് നല്ലപ്പോലെ തണുപ്പിച്ചു സെറ്റ് ചെയ്യുമ്പോൾ ഒഴിച്ചാലും രുചിയാണ് .)

ചക്ക അട ( Ada With Jack Fruit)

ചക്ക അട ( Ada With Jack Fruit)
കുറച്ച് ചക്ക കിട്ടി, ചക്ക അട കഴിച്ചിട്ട് കുറെ ആയതിനാൽ എന്നാ പിന്നെ അട ഉണ്ടാക്കാം ന്നു കരുതി ,അപ്പൊ നമ്മുക്ക് തുടങ്ങാം.

അരിപൊടി - 1.5 കപ്പ്
നന്നായി പഴുത്ത ചക്ക ചുള കുരുകളഞത് - 2 കപ്പ്( കൂടുതൽ വേണെൽ എടുക്കാം)
ശർക്കര -1 കപ്പ് ( ചക്കയുടെ മധുരം അനുസരിച്ച് കൂട്ടുകയൊ,കുറക്കുകയൊ ചെയ്യാം)
ഏലക്കാപൊടി -1 റ്റീസ്പൂൺ
ജീരകപൊടി -1/4 റ്റീസ്പൂൺ ( optional)
നെയ്യ് - 2 റ്റീസ്പൂൺ (optional)

ശർക്കര ഉരുക്കി പാനിയാക്കി എടുക്കാം,അല്ലെങ്കിൽ പൊടിച്ച് എടുതാൽ മതിയാകും.

ചക്ക വരിക്ക ചക്കയൊ, കൂഴ ചക്കയൊ എടുക്കാം.ചെറുതായി അരിഞ് എടുക്കാം.അല്ലെങ്കിൽ കൈ കൊണ്ട് നന്നായി ഞെരുടി ഉടച്ച് എടുക്കാം.
ഇനി അരിപൊടി, ശർക്കര, ചക്ക , ഏലക്കാപൊടി, ജീരകപൊടി,നെയ്യ്
ഇവ എല്ലാം കൂടെ നന്നായി മിക്സ് ചെയ്ത് ചെറു ചൂടു വെള്ളത്തിൽ കുഴക്കുക. ഇടിയപ്പ മാവിനെക്കാളും കുറച്ച് കൂടി ലൂസ് ആയിട്ട് വേണം കുഴക്കാൻ.

1 -2 മണികൂർ മാവു മാറ്റി വക്കുക.

ശെഷം കുറെശ്ശെ മാവു എടുത്ത് എടനയില (കറുക ഇല ,ഫോട്ടൊയിൽ കാണുന്നത്),യിലൊ അല്ലെങ്കിൽ വാഴയിലയിലൊ വച്ച് ചെറുതായി പരത്തി ,മടക്കി അപ്പചെമ്പിൽ വച്ച് ആവി കയറ്റി വേവിച്ച് എടുക്കുക.
എടനയില യിൽ ചെയ്താൽ നല്ല ഒരു ഫ്ലെവർ കിട്ടും, നല്ല മണവും അടിപൊളി രുചിയും ആയിരിക്കും അടക്ക്.

ഇനി ഇങനെ അല്ലാതെ ചക്ക ,ശർക്കര ചേർത്ത് വരട്ടി ,ഇലയിൽ മാവു വച്ച് പരത്തി ,നടുക്ക് ചക്ക വരട്ടിയ മിശ്രിതം വച്ചും അട ഉണ്ടാക്കാം.ഇല കുമ്പിളുകുത്തി അതിൽ മാവു നിറച്ച് വേവിച്ചും എടുക്കാം.
അപ്പൊ ചക്ക അട തയ്യാർ .എല്ലാരും ഉണ്ടാക്കി നോക്കണം കേട്ടൊ.

ചിക്കൻ ബോൾസ്‌

ചിക്കൻ ബോൾസ്‌

ചിക്കൻ - അര കിലോ
വെളുത്തുള്ളി -3 അല്ലി
പച്ചമുളക് -1
ഉപ്പ്‌ -ആവശ്യത്തിന്
കോണ്‍ ഫ്ലോർ -1/2 ടേബിൾ സ്പൂണ്‍
മല്ലിയില /പാഴ്സിലി -1 ടേബിൾ സ്പൂണ്‍
മൊസ്സരില്ല ചീസ്‌ -ആവശ്യത്തിന് (നിർബന്ധമില്ല)
കോഴിമുട്ട -1
ബ്രെഡ്‌ ക്രംബ്സ് -1/4 കപ്പ്‌
ഓയിൽ -ഫ്രൈ ചെയ്യാൻ

ഉണ്ടാക്കുന്ന വിധം
ചിക്കൻ ഉപ്പും കുരുമുളക് പൊടിയും അല്പം വെള്ളവും ചേർത്ത് വേവിച്ചു എല്ല് നീക്കി വെക്കുക. ഇത് മെല്ലെ ഒന്ന് പൊടിച്ചു വെക്കുക.
വെളുത്തുള്ളി ,പച്ചമുളക് അരച്ച് വെക്കുക.

ചിക്കൻ പൊടിച്ചു വെച്ചതിലേക്ക് അരച്ച വെച്ച കൂട്ട് ചേർക്കാം.
അറിഞ്ഞു വെച്ച മല്ലിയില ,കുരുമുളക് പൊടിയും ,കോണ്‍ ഫ്ലൌറും ചേർത്ത് അദികം അയവില്ലാതെ കുഴച്ചുവെക്കണം ,പാകത്തിനുള്ള ഉപ്പു നോക്കാം .
ചിക്കൻ കൂട്ടിൽ നിന്നും ചെറിയ ബോൾ സ് ആക്കി ഉളളിൽ കുറേശ്ശെ ചീസ്‌ വെച്ച് ഉരുട്ടുക.

ഓരോ ബോൾസും ,കുരുമുളകുപൊടിയും ,ഒരു നുള്ള് ഉപ്പും ചേർത്ത
അടിച്ചു വെച്ച കോഴിമുട്ടയിൽ മുക്കി ബ്രെഡ്‌ ക്രംബ്സിൽ പൊതിഞ്ഞു ചൂടായ ഓയിലിൽ ഗോള്ടെൻ കളർ ആകും വരെ വറുത്തെടുക്കുക.

റ്റൊമാറ്റൊ സോസ് /കെറ്റ്ച് അപ്പ്‌ കൂട്ടി കഴിക്കാവുന്ന സ്നാക്ക് ആണ്.

ചിക്കൻ ഉലർത്ത്

ചിക്കൻ ഉലർത്ത് ..

1. ചിക്കൻ കഷണങ്ങളാക്കിയത് - 1/2 കിലോ
2. ഉള്ളി - 3 ( നീളത്തിൽ അരിഞ്ഞത് )
3. തക്കാളി - 2
4. ഇഞ്ചി - 2 ടിസ്പൂൺ ( കനം കുറച്ച് നീളത്തിൽ അരിഞ്ഞത് )
5. വെളുത്തുള്ളി - 1 ടിസ്പൂൺ ( കനം കുറച്ച് നീളത്തിൽ അരിഞ്ഞത്
6. കുരുമുളക് - 2 ടിസ്പൂൺ
7. ഉലുവ - 1 നുള്ള്
8. പെരുജീരകം - 1 ടിസ്പൂൺ
9. വറ്റൽമുളക് - 8-10 എണ്ണം ( എരിവ് അനുസരിച്ച് കുടുകയോ കുറയ്ക്കുകയൊ ചെയ്യാം )
10. കറിവേപ്പില - 3 തണ്ട്
11. എണ്ണ - 2 ടേബിൾസ്പൂൺ
12. ഉപ്പ് - ആവശ്യത്തിന്

പാകം ചെയ്യുന്ന വിധം :-
ചിക്കൻ വ്യത്തിയാക്കി കഴുകി കഷണങ്ങളാക്കി വെക്കുക...
വറ്റൽമുളക് ചുടുവെള്ളത്തിൽ കുതിർത്തു വെക്കുക....തണുത്താൽ കുറച്ചു വെളളം ചേര്‍ത്ത് മിക്സിയിൽ ഇട്ട് അരച്ചു വെക്കുക.....
കുരുമുളക്, ഉലുവ, പെരുജീരകം പാനിൽ ഇട്ട് വറുക്കുക. തണുത്താൽ മിക്സിയിൽ ഇട്ട് പൊടിച്ച് മാറ്റി വെക്കുക....

പാനിൽ എണ്ണ ചൂടാക്കി ഉള്ളി, ഇഞ്ചി, വെളുത്തുള്ളി ചേര്‍ത്ത് വഴറ്റുക....നന്നായി വഴന്നശേഷം ചിക്കൻ കഷണങ്ങളും അരച്ച വറ്റൽമുളക് പേസ്റ്റും, തക്കാളി കഷ്ണങ്ങൾ ഇട്ട് യോജിപ്പിച്ച് കുറച്ചു വെളളം ചേര്‍ത്ത് വേവിക്കുക...നന്നായി വെന്തു വെളളം വറ്റിയാൽ കറിവേപ്പിലയും വറുത്ത് അരച്ച പൊടികളും ചേര്‍ത്ത് നന്നായി യോജിപ്പിച്ച് 2,3 മിനിറ്റ് ചെറിയ തീയിൽ അടുപ്പിൽ വെച്ച് ചിക്കൻ അധികം വരണ്ടു പോവാതെ നല്ല മയമുളള പരുവത്തിൽ വാങ്ങുക..